Feeds:
Posts
Comments

Archive for the ‘ghazal’ Category

સપનું તૂટી રહ્યું છે ?

નગરને અરે કોણ લૂંટી રહ્યું છે?
ગુલોને ચમનનાં એ ચૂંટી રહ્યુ છે!

અહીં આજ લાગે આ અંધારી ભીંતે
કિરણ જેવું જાણે શું ફૂટી રહ્યું છે!

અહીં સ્વાસને ક્યાં કશુંયે નડયું છે
ભીતરમાં ભરેલું એ ખૂટી રહ્યું છે

વિચારોની હેલી ચડે ત્યારે લાગે
અમારાય મનને તે કૂટી રહ્યું છે

સમયસર તો જાગો, છતાં એમ લાગે
અધૂરું એ સપનુંય તૂટી રહ્યું છે?

ભરત ત્રિવેદી
10.10.2011

Read Full Post »

એક બિલાડી –

એક બિલાડી રોજ સવારે મારા ઘરમાં આવે છે
આવે ત્યારે એક સામટી ચીચીયારી લો ભાગે છે

પોપટ મારો સાવ એકલો પિંજરમાં છે કેદ છતાંયે
પાંખ વિંઝતો એ બિચારો અંદર અંદર લાગે છે!

કોઇ કોઈનું છે નથી તોય કેમ એવું આ લાગે કે
હું નથી હોતો ઘરમાં તોય ઘરમાં એ તો જાગે છે!

આંખો ઢાળી સપનામાં તો જંતર જેવું વાગે છે
પણ સવારે રોજ કેટ કેટલુ ધીમું ધીમું માગે છે!

કોણ આવ્યું છે સવારે આ તે કેવું આંગણ સુનું
ડાળ પર જો એક કાગડો શાને આજે કાગે છે !

ભરત ત્રિવેદી
8.9.2011

Read Full Post »

એક સસ્પેન્સ ગઝલ

હવે એક માણસ જો કાયમ મરે છે
અહીં કોઈ એવું અગોચર ફરે છે!

કબર ખોદવાથી તો કૈયે મળ્યું ના
છતાં એમ લાગે એ ધીમે સરે છે!

અહીં સાવ અંધારી ચાદર લપેટી
સિતારાની માફક એ રાતે ખરે છે!

ગઝલમાં છૂપાયું હશે કોણ એવું
કરી બંધ આંખોમાં કેવું તરે છે!

નથી કોઈ દેખાતું આજે અહીંયા
ખભે હાથ રાખી પૂછે કે: ડરે છે?

ભરત ત્રિવેદી
૧૦/૮.૨૦૧૧

Read Full Post »

રૂપીયો સવા દે!

લગાગા લગાગા લગાગા થવાદે
હવે વાતને તુંય આગળ જવાદે

અમે તો તને રોજ એવું જ કહીશું
ઇલાજો જવા દે ને જખમો નવા દે

વધી આગ એવી થવા દે થવા દે
હવે તો વધારે હવા દે હવા દે

દરદ તો અમારું મટે કે મટે ના
હવે રોજ આવી ને અમને દવા દે

બધી વાતને ભૂલી આજે કહે ને
ધરી ગોળ ધાણા રૂપીયો સવા દે!

ભરત ત્રિવેદી
૧૦/૮.૨૦૧૧

Read Full Post »

સવાસો કોસ છે –

ફુલ છે ને એટલે નિર્દોશ છે
ને હવે તો આ હવામાં જોશ છે!

ચાંદની તુંયે હવે જંપી ગઈ?
જો ચમનને કેટલો મદહોશ છે!

એ બધું મારા ગજાની વાત છે?
તો પછી શાને તમારે રોશ છે?

ભાગ્ય રેખાને કહો બદલું હવે?
આ હથેળીનો બધોયે દોષ છે!

એમને શોધી શકે આજે ચરણ?
ધામ એનું તો સવા સો કોસ છે!

ભરત ત્રિવેદી
૧૦.૮.૨૦૧૧

Read Full Post »

દુવામાં વાર શી-

ફુલ છે મેલાં થવામાં વાર શી?
કે પછી પાછાં જવામાં વાર શી?

હોય છે ટૂંકી ભલેને જિંદગી
મ્હેંકને તરતાં હવામાં વાર શી!

રોગ પરખાતો નથી એની ફિકર
શોધતાં એની દવામાં વાર શી?

એ પુરાણું છે હવે ના ચાલશે
લાવતાં એવું નવામાં વાર શી?

માગતાં ક્યારે કશું મળતું નથી
માગશું એને દુવામાં વાર શી?

ભરત ત્રિવેદી
10.7.2011

Read Full Post »

સવાસો કોસ છે –

ફુલ છે ને એટલે નિર્દોશ છે
ને હવે તો આ હવામાં જોશ છે!

ચાંદની તુંયે હવે જંપી ગઈ?
જો ચમનને કેટલો મદહોશ છે!

એ બધું મારા ગજાની વાત છે?
તો પછી શાને તમારે રોશ છે?

ભાગ્ય રેખાને કહો બદલું હવે?
આ હથેળીનો બધોયે દોષ છે!

એમને શોધી શકે આજે ચરણ?
ધામ એનું તો સવા સો કોસ છે!

ભરત ત્રિવેદી

૧૦.૮.૨૦૧૧

Read Full Post »

Older Posts »